Description

Acte repéré et transcrit par Baudrier dans les registres d'insinuations lyonnais (notaire: Marchant) : 

Honorable homme Godefroy Beringhen, marchant allemant, libraire fréquentant les foyres de Lyon, demeurant audit Lyon, lequel... pour s'acquitter envers honorables homme Guillaume et Jacques Regnaud, frères, marchant, bourgeois dudit Lyon, de la somme de 1338 l. 10 s. , à laquelle il leur est tenu et redevable... pour plusieurs sommes répondues et payées pour lui, à sa requeste et prière... a vendu et ceddé auxdicts frères Regnaud, ledict Guillaume présent et acceptant, tous et un chascun les lettres fondues, livres, meubles et aultres choses contenues et déclarés en ung inventaire... fait ce jourd'huy..., soi démettant ledict Beringhen desdicts biens... sans y retenir aucun droit et portion ... ni autres quelconques réclamations. . . , confessant les tenir en nom de constitut précaire au prouffict des dicts frères Regnaud et cy lesdictes choses, cy dessus vendues, contenues audit inventaire, valloyent plus après, ou pourroient valloir à l'advenir, la plus valleue, à quelque somme qu'elle se puisse monter, ledit Godefroy Beringhen, vendeur, a donné et donne auxdicts frères Regnaud, par donation irrévocable faicte entre vifs...

Inventaire des livres, meubles, lectres et matières d'imprimerie vendus par Godefroy Beringhen à Guillaume et Jacques Regnaud :
Lettres fondues de matière forte jusques au poix de 135 quintaulx, ascavoir :
- Gros texte d'allemaigne anticque,
- La glose dudict texte allemaigne anticque,
- Le petit texte allemaigne anticque,
- La glose dudict texte anticque,
- La belle anticque,
- Le garamonde anticque,
- La grand cursive de Robert Granjon,
- La petite cursive de Robert Granjon,
- La cursive d'Allemaigne,
- Le grec du blanc de la curse d'Allemaigne,
- Le grec du blanc de Garamonde,
- Lettres a deux ranches [= rangées],
- Letres a trois ranches,
- Lettres a quatres ranches,
- Lettres a cinq ranches de [cabres ?],
- Lettres a sept ranches versalz de Collonges,
- Noctes grandes d'Allemaigne,
- Noctes petites gloses d'Allemaigne,
- Nocte de Lovain à longue queue,
- Tous mes matrices tant anticques que cursives,
- Six presses avec toute leurs garnytures,
- Les caldres de cuyvre, rames,
- Six licts de plume avec leurs chalictz de noyer,
- 160 livres de veysselle estaing fin,
- Coffres, garderobbes et aultres mesnaige de salle et service de cuysine de cuyvre, deloton, de fer et aultres mestail.
- Quatre vingts balles de liures de diverses sortes tant de l'impression d'Allemaigne, Paris, Lyon et aultres parts, en rames, quatorze pour chascune des balle.

Faict à Lyon le 2e du moys de septembre 1556.
Signé : Regnaud. Beringhen.

Jay esté présent à la signature desdicts Regnaud et Beringhen faicte en l'inventaire ci-dessus, lesquels m'ont requis moy soubsigner icy, ce que jay faict à leur requeste, les an et iour susdicts, et moy notaire royal. Marchant.

Ledict Beringen confesse avoir dudict Regnaud les meubles cy dessus mentionnés qu'il promet rendre à la requeste desdicts frères Regnaud, de l'ung d'eux ou des leurs.

Date

1556-09-02

Lieu de conservation

Lyon, Archives départementales du Rhône

Cote

[cote indéterminée]