Description

Procuration de Pierre Haultin, libraire à Paris, donnée à Jean du Buisson, messager ordinaire d’Anvers, pour récupérer cinq écus d’or soleil et des frappes et matrices des lettres d’imprimerie comme remboursement d'une dette du graveur Mathieu Chrétien. Transcription par Anna Baydova :

"Pierre Haultin, marchant libraire bourgeois de Paris, fait et constitue son procureur Jehan du Buisson, messager ordinaire d’Anvers, demeurant a Paris, a ce present, pour poursuivre, pourchasser, recouvrer et faire venir ens la somme de cinq ecuz d’or soleil qui luy sont doubz de reste de dix escuz d’or soleil par feu Mathieu Chretien, en son vivant tailleur de figures a imprimer, demeurant a Paris en l’hostel dudict constituant, par cedulle dudit desfunct pour les causes contenues en icelle, d’une part, et pareille somme de cinq escuz d’or soleil pour reste de cinq frappes ou matrices de lettres a imprimer que icelui constituant avoit par cy devant baillees audict deffunct pour les vendre et debiter, comme il apert aussi par ceddulle d’icelluy deffunct, lesquelles ceddulles il a pour ce faire baillees audict Buisson, et a se faire contraindre ou faire contraindre les pere, mere ou autres consors d’iceluy desfunct par toutes voyes et manieres deues et raisonable, de ce qu’il recepvra soy tenir pour contant et en faire et passer toutes quictances et descharges que mestier sera et au cas apartenant, et si mestier est de plaider, opposer, appeler, obliger, eslir, domicile, substituer en pledoirie seulement et generalement etc. Promettant etc. Obligeant etc. Renonçant etc., Fait l’an mil Vc quarante neuf, le jeudi cinquesme jour de septembre.

[Signé :] Dorleans, Despoigny"

Date

1549-09-05

Place of conservation

Paris, Archives nationales, Minutier central des notaires de Paris

Shelfmark

MC/ET/CXII/1