Description

Marché entre Jean Jannon et Sublet des Noyers, représenté par Sébastien Cramoisy, pour six frappes de matrices destinées à l’Imprimerie royale :

Fut present honorable homme Jean Jannon, marchant libraire maistre imprimeur demeurant de present a Paris, rue des Lavandieres, parroisse Saicnt Estienne du Mont, lequel a recongneu et confessé avoir vendu, promis et promect de fournir et livrer dans demain à maistre Francois Sublet, seigneur des Noyers, conseiller du roy en ses conseils d’estat et privé secretaire des commandemens de sa majesté et surintendant des bastimentz et manufactures de Frances, absent, ce acceptant par honnorables homme Sebastien Cramoisy, marchant libraire, bourgeois de Paris, imprimeur ordinaire du Roy, demeurant rue Sainct Jacques, paroisse Sainct Benoist, ayant procuration dudict seingenr des Noyers, six frappes de matrices, assavoir gros et petitz canons, gros parangons et leurs italicques, avecq trois moulles pour fondre des caractères desdictez six frappes, et le tout fournir et livrer entier et complet, bien et duement comme il appartient pour servir a l’imprimerie royalle establie au Chasteau du Louvre a Paris, ce marché faict moyennant la somme de mil livres tournois, laquelle somme ledict Jannon a recongnu et confessé avoir recu dudict Sieur Cramoisy, dont il s’est tenu pour comptant et a quitté et quitté lesdictz seigneur des Noyers et sieur Cramoisy et tous aultres, promettans, etc. Obligeant etc. Corps et biens etc. Renoncant etc. Faict et passé a Paris es estudes des notaires soubz signez l’an mil six cens quarante ung, le premier jour de mars apres midy, et ont signé, adverty du seel suivant l’edict du roy sur les papiers y portees (?).

Led. Sieur Cramoisy dessus nommé recongneust et confessa que led. Jannon aussy dessusnommé luy a fourny et livré ces six frappes de matrices grecs et petis canon, et autres ustancilles servant a l’imprimerie qu’il estoit obligé par le marché cy dessus escript, et en vue qu’il manque quelque matrice esd. frappes, led. Jannon promect en fournir a ses fraiz en consequence du payement qui luy est faict de la some de mil livres portee par led. marché, ce qu’il sera tenu fournir oud. sieur Cramoisy incontinent a vollonté. Promectant etc. Obligeant etc. Renoncant etc. Fait et passé es estuds desd. notaires soubsigné l’an mil six cent quarent ung, le dixiesme mars après midy et ont signé.

Date

1641-03-01

Place of conservation

Paris, Archives nationales, Minutier central des notaires de Paris

Shelfmark

MC/ET/LXXIII/31